Klassíski listdansskólinn - Álfabakka 14a - Sími 587 9030 og Grensásvegi 14 - Sími 534 9030

Aðalkennarar við Klassíska listdansskólann eru: 

Guðbjörg Astrid Skúladóttir
River Carmalt
Kama Jezierska
Kateryna Pavlova

  Guðbjörg Astrid stofnaði Klassíska listdansskólann 1993 og hefur rekið hann síðan. Hún nam listdans í Þjóðleikhússkólanum á Íslandi, Norsku Óperunni í Osló og hjá velþekktum kennurum í London áður en hún hóf feril sinn sem atvinnudansari. Guðbjörg Astrid starfaði fyrst við  dansflokk í Gautaborgar óperunni og dansaði þar í nokkur ár. Síðan flutti hún til Frankfurt og starfaði sem dansari við hin vel þekkta ballet í Frankfurt am Main óperu. Á ferli sínum sem dansari tók hún þátt í fjölda klassíkum dansverkum. Einnig dansaði  Guðbjörg Astrid  í þekktum nútímaverkum eftir þekktustu danshöfunda, til dæmis Balanchine og Neumeyer.  

Guðbjörg Astrid hefur haldið áfram að víkka þekkingarsvið sitt á listdansi með þátttöku í námskeiðum viða um heim, þar á meðal Ástralíu, Canada, Englandi, Bandaríkjunum og Svíþjóð. Hún hefur einnig lagt ríka áherslu á að kynna sér þróun í ,,dance medicine” og er meðlimur í IADMS (International Association of Dance Medicine & Science). 

  Guðbjörg Astrid er höfundur Lötu stelpunar, kvikmynd fyrir yngri kynslóðina. Frumsýnd jóladag 1994.  

Le Yin

Premier dancer frá Pacific Northwest Ballet.  Kennir klassískan ballet í haust hjá Klassíska listdansskólanum.

Le hefur dansað með virtum dansflokkum eins og Houston ballet og Pacific Northwest Ballet dansflokk. 

River Carmalt  

River lærði í Laban school of dancing í London. Hann hefur dansað víða, m.a. með hinum þekkta Punchdrunk flokki.     

Kamila Barbara Jezierska

Kama er kennari í listdansi og hreyfingu, leikkona, dansari og danshöfundur frá Torun, Póllandi. Hún lærði samkvæmisdansa í sjö ár en hefur einbeitt sér að nútímalistdansi frá 1996. Hún tók masterspróf í kennslufræðum og ,,socio-cultural animation (dance)” frá háskólanum í Zielona Gora, Póllandi. Kama hefur tekið þátt í fjölda alþjóðlegra verkefna, til dæmis með Step Text Dance Company (Maat) og  Nachtlichter götu-dans-leikhúsinu í Bremen, Þýskalandi. Hún er meðhöfundur  ,,Wycianka” verkefnisins sem var sýnt í nokkrum löndum Evrópu og hlaut ýmsar viðurkenningar, til að mynda fyrst verðlaun í XII International Presentation of Contemporary Dance Forms í Kalisz árið 2004. Kama hlaut einnig einstaklingsverðlaun fyrir ,,Stage expression” í því verki.

Kateryna Pavlova

Kateryna fæddist í Donezk í Úkraínu. Hún er menntaður danskennari og er sérfræðingur í barnadönsum, jazz-dansi, klassískum dansi og karakter- og þjóðdönsum frá ýmsum löndum. Hún hefur lokið prófi frá Danscollege í Voronesh í Rússlandi eftir Vaganova aðferðinni sem dansari og danskennari.
Kateryna hefur einnig starfað sem danskennari:
1981-1984 Þjóðdansflokkurinn í Stavropol í Rússlandi
1984-1988 Dansflokkurinn "SKVO" í Rostov
1988-1991 Dansflokkur í Tékkóslóvakíu
1991-1994 Dansflokkur í Þýskalandi

Kateryna starfaði sem kennari á árunum 1994-2000 í Donezk í Úkraínu í barnadansflokknum. Þar kenndi hún klassískan dans, jazzdans og nútímadans og starfaði í dansflokknum ,,Donbass" sem dansari. Á sama tíma fór hún árlega í sýningarferð til Brasilíu með hópnum. 
Á árnunum 2000-2003 kenndi Katryna klassískan ballet, jazz og nútímadans fyrir byrjendur í Listaskóla Rögnvalds Ólafssonar á Ísafirði. Hún kenndi í Listdansskóla Íslands frá 2004 og í Klassíska listdansskólanum frá 2007.

Forskóla kennarar  

Guðbjörg Astrid Skúladóttir

Kateryna Pavlova 

Betzý Ósk Hilmarsdóttir 

Hildur Björk Möller

Hildur Edda Gunnarsdóttir

Sara Snædís Ólafsdóttir

Hrafnhildur Einarsdóttir 

Workshop (Styttri námskeið) 

Hrafnhildur Einarsdóttir  

Kennarar sem hafa áður kennt í skólanum 

Pauline Huguet

Pauline lærði ballet hjá Conservatoire de Montpellier, Frakklandi, og tók BA og MA próf í enskum bókmenntum frá Montpellier University, áður en hún hóf þjálfun í nútímalistdansi í London. Hún útskrifaðist með hæstu einkunn frá Laban árið 2003. Pauline hefur dansað með hinum ýmsu ,, physical theatre” danshópum, þar á meðal DV8 ((Living Costs), Lisa Torun (Perception Factory),  Protein Dance (Big Sale) og Punchdrunk (The Firebird Ball, Marat/Sade og The Masque of the Red Death). Auk þess að aðstoða við danssmíðar og kennslu hjá Protein Dance (Valfresco og Dear Body), kennir hún nemendum og atvinnudönsurum víða um lönd ballet, nútímalistdans og danssmíðar. 
  

Kennet Oberly 

Kennet hóf atvinnuferil sinn sem dansari hjá Stuttgart Ballet í Þýskalandi undir stjórn John Cranko. Hann hefur starfað meðal annars hjá Maurice Bejart´s Ballet of the Twentieth Century, Boston Ballet, Houston Ballet og í Tivoli Pantomime Theatre, Kaupmannahöfn.
Kennet starfaði hjá Ballet Iowa, fyrst sem balletmeistari og danshöfundur flokksins, síðar sem listrænn stjórnandi, áður en hann hvarf til starfa í Evrópu sem balletmeistari við Finnish National Ballet. Eftir langt starf með Estonian National Ballet, þar sem hann sviðsetti tvo áður týnda Bournonville balletta, ,,A Fairytale in Pictures" og ,, Konservatoriet" í fullri lengd, snéri Kennet aftur til Bandaríkjanna til að stjórna Wolcott Children´s Ballet í norðurhluta Vermont. Löng grein um það starf Kennets með börnunum birtist í The Smithsonian tímaritinu í maí 1995.
Kennet Oberly starfaði síðan sem stjórnandi BalletMet Academy í Columbus, Ohio, áður en hann varð sjálfstætt starfandi sem stjórnandi og höfundur nýrra verka, ásamt því að sviðsetja sígild Bournonville verk, víða um Bandaríkin, Evrópu og Kanada.
 

Omar Gordon hóf dansþjálfun sína fyrir alvöru í Central School of Ballet, London. Hann varð meðlimur í Northern Ballet Theatre árið 1992 undir stjórn Christopher Gable. Yfir 6 ára tímabil dansaði hann þar og samdi ýmis hlutverk fyrir helstu sýningar flokksins og varð þess heiður aðnjótandi að verða aðaldansari í klassískum verkum, til dæmis í Rómeo og Júlíu, Svanavatninu, Don Quixote, Öskubusku, Giselle og Dracula.

Omar flutti til Ítalíu árið 1998 til að einbeita sér að nútímadansi og varð meðlimur í Aterballetto Maurio Bigonzetti og dansaði með þeim í nútímadansverkum þvert yfir Evrópu og Suður-Ameríku. Hann fluttist til Frakklands árið 2000 og varð meðlimur í Ballet de L´Opera National de Lyon og fór í dansferðir með þeim um Evrópu, Asíu og Bandaríkin. Þar dansaði Omar í ýmsum verkum eftir þekkta danshöfunda, t.d. William Forsythe, Ohad Naharin, Mats Ek, Jiri Kylian, Maguy Marin og Nacho Duato.

Omar hefur verið sjálfstætt starfandi listamaður frá 2003 sem dansari, leikari, aðstoðarmaður danshöfunda eða kennari,  fyrir ýmis verkefni og hátíðir. Má þar nefna ,,DanceManifest” Kaupmannahöfn (PazzoMezzo Ohad Naharin), Richard Alston Dance Company, Bretlandi (Joyce Theatre NY) og ,,GHOSTS” Cathy Marstons hjá Lindbury Theatre, Royal Ballet, Bretlandi,  The Bare Bones ,,5 Man Show” Bretlandi,  (Arthur Pita,  David Massingham og Liam Steel, Stan Won’t Dance).
Omar var nýlega gestalistamaður hjá Dance Theatre of Northern Greece í ,,Mystify” eftir Andonis Foniadakis. Í ágúst 2007 var honum boðið að starfa sem ballettmeistara og dansara við Stadttheater Bern, Sviss (stjórnandi Cathy Marston).