Klassíski listdansskólinn - Álfabakka 14a - Sími 587 9030 og Grensásvegi 14 - Sími 534 9030

  Forskólinn er undirbúningur fyrir grunnnámið og veitir nemendum mikilvægan grunn fyrir frekara dansnám. Áherslurnar í forskólanum eru að kynna nemendur fyrir hinum klassíska ballet, byggja upp dansorðaforða hjá nemendum, kenna þeim að bera virðingu fyrir listinni jafnframt því að læra að beita líkama sínum á réttan hátt.  

Forskólinn er tvískiptur þar sem 1. og 2. flokkur eru fyrir yngstu nemendurna frá 5 til 6 ára og 3.flokkur er fyrir nemendur sem eru 7 ára og eldri.

Nýtt námskeið sem hefur göngu sína í vetur er 3 til 4 ára á laugardögum kl 10:00 - 10:45 

Hildur Betzý Ósk Hilmarsdóttir og Hildur Gunnarsdóttir kenna forskólanemendum, 5 og 6 ára.

• Kennslan er á laugardögum í Mjódd 14A
• hægt er að velja tíma kl. 12:00 til 13:00 og 13:00 til 14.00
• 6 ára nemendur eru á þriðjudögum kl.16:30 til 17:30 Mjóddinni að Álfabakka 14A
• 3. flokkur er mánudaga og fimmtudaga í Mjóddinni að Álfabakka 14A kl. 15:00 til 16:30.  

1. og 2. flokkur

Nemendur í 1. og 2.flokk stunda ballet einu sinni í viku í klukkutíma í senn. Lögð er áhersla á að kynna nemendur fyrir listinni og grunnþætti balletsins, kenna þeim að vinna saman og virða hvert annað, jafnframt því að þau læri að skynja takt og að leysa sköpunargleðina úr læðingi. Þetta er gert með einföldum æfingum og skapandi dansi. Mikið er lagt upp úr því að kennslan sé persónuleg og að kennarinn geti sinnt hverjum nemanda af kostgæfni. Þess vegna er fjöldi nemenda í hverjum hópi takmarkaður og ásamt kennara með mikla reynslu og kunnáttu á sínu sviði. 

3. flokkur

Nemendur í 3.flokki stunda ballet tvisvar sinnum í viku í einn og hálfan klukkutíma í senn. Lögð er áhersla á byggja upp góðan grunn hjá nemendum með því að kenna þeim grundvallaratriðin í klassískum ballet. Nemendur læra að beita líkama sínum á réttan hátt og lögð er áhersla á vandvirkni og nákvæmni hreyfinganna sem nemendur búa síðan að alla tíð og fleytir þeim áfram í frekari danssnámi. Lögð er áhersla á samskipti nemenda og þeim kennt að vinna saman sem einn hópur þar sem allir fá að blómstra. Skapandi dans er einnig mikilvægur þáttur af náminu þar sem sköpunargleði nemenda er virkjuð og þeir fá tækifæri til að tjá sig með danshreyfingum og vinna saman að stuttum dönsum. Samtvinnað danskennslunni eru nemendur kynntir fyrir listgreinini og helstu dansverkum sem sköpuð hafa verið gegnum tíðina.

Í lok hvers árs er haldin nemendasýning þar sem allir nemendur skólans taka þátt. Nemendur læra dansa sem þeir sýna og læra þau öguðu vinnubrögð sem því fylgir að stíga á svið og upplifa gleðina og stoltið sem því fylgir að koma fram.