Klassíski listdansskólinn - Álfabakka 14a - Sími 587 9030 og Grensásvegi 14 - Sími 534 9030

Klassísk listdansbraut er þriggja ára dansnám á menntaskólastigi. Skólinn veitir metnarfulla og góða þjálfun til að undirbúa nemendur til æðri dansnáms eða atvinnu. Gert er ráð fyrir að nemendur hafi náð 16 ára aldri til að komast inn á listdansbrautina en undantekningar eru gerðar á nemendum með góða tæknikunnáttu og fyrirsjáanlega hæfileika. Nemendur geta valið brautina í samráði við þann framhaldsskóla sem þeir stunda nám við. Nemendur stunda þar með kjörsviðið (klassíska listdansbraut) við Klassíska Listdansskólann en grunnfögin eins og íslensku, stærðfræði, ensku, dönsku og önnur fög við viðeigandi framhaldsskóla. Hafa ber í huga að þar sem tímasókn er suma daga á morgnanna og í hádeginu getur verið einfaldara að stunda grunnfögin við framhaldsskóla með fjölbrautakerfi heldur en bekkjarkerfi.

Nemendur sem sækja um 1.stig á listdansbraut á framhaldsskólastigi í klassískum ballet geta verið 13 ára og eldri. Nemendur sem ekki hafa náð 16 ára aldri eiga að geta fengið sínar einingar metnar í framhaldsskólum síðar.

Að loknu þriggja ára námi við klassísku listdansbrautina hafa nemendur öðlast styrkan grunn sem fleytir þeim til frekara náms á sviði danslista. Það getur mótað upphafið að starfsferli á því sviði eins og atvinnu nútímadansari, danshöfundur, danskennari, dansgagnrýnandi, dansfræðingur, dansvísindamaður, dans meðferðarfulltrúi, danshreysti þjálfari eða dansverkefnastjóri.

Áfangar á klassískri braut:

•  
  •  
    • Klassískur ballet
    • Táskór
    • Pas de deux (tvídans)
    • Nútímalistdanstækni
    • Spuni
    • Danssmíði
    • Listdanssaga 
    • Söguleg dansverk